ພຣະ ສາຍສະໄໝ ໄຊຍະສານ ສາຍ:ພຸດທະສາດ-ພາສາລາວ ປີ2 ຫ້ອງ ຂ
ບົດລາຍງານ: ວິຊາ ວັດທະນະທຳລາວ-ອາຊຽນ
ຫົວຂໍ້: ປະເພນີບຸນເດືອນສາມ(ບຸນເຂົ້າຈີ່, ບຸນມາຄະບູຊາ)
ບຸນເຂົ້າຈີ່
ໃນວັນເພັງເດືອນສາມໃຫ້ເຮັດບຸນເຂົ້າຈີ່ ແລະ ບຸນມາຄະບູຊາ ເລີ່ມພິທີເຮັດບຸນເຂົ້າຈີ່ໃນຕອນເຊົ້າ ໂດຍໃຊ້ເຂົ້າໜຽວປັ້ນເປັນກ່ອນ,ຂະໜາດເທົ່າກຳປັ້ນແລ້ວໃຊ້ໄມ້ໄຜ່ທີເຫຼົາກົມໆສຽບເຄີ່ງກາງ ຕາມລວງຍາວຂອງປັ້ນເຂົ້າໜຽວແລ້ວນໍາໄປປິ້ງ ພໍແຫ້ງແລ້ວທາດ້ວຍໄຂ່, ປິ້ງຈົນສຸກແລ້ວໃສ່ພາຊະນະໄປຕັ້ງໄວ້ໃນສາລາວັດ. ນິມົນພຣະມາໃຫ້ສິນ,ໃຫ້ພອນແລ້ວເອົາເຂົ້າຈີ່ໃສ່ບາດນໍາຖວາຍແດ່ພຣະສົງ ພ້ອມດ້ວຍອາຫານອື່ນໆ ເມື່ອພຣະສັນແລ້ວມີການສະແດງທໍາມະເທສະນາ ຕອນແລງມີການວຽນທຽນມາຄະບູຊາຟັງເທດທີ່ວັດ.
ມູດເຫດຂອງງານບຸນເຂົ້າຈີ່
ເນື່ອງຈາກໃນເດຶອນສາມອາກາດລາວເຮົາ ກໍາລັງຢູ່ໃນລະດູໜາວ, ໃນຕອນເຊົ້າຜູ້ຄົນຈະໃຊ້ຟືນກໍ່ກອງໄຟແກ້ໜາວເມື່ອຟືນຖືກໄຟເຜົາເປັນຖ່ານ ຊາວບ້ານຈະນຳເອົາເຂົ້າໜຽວປັ້ນເປັນກ້ອນກົມໆໂຮຍເກືອວາງໄວ້ເທີງກອງໄຟ ເຮົາຮຽກວ່າເຂົ້າຈີ່.
ມີເລື່ອງເລົ່າໃນທໍາມະບົດວ່າ ມີຍິງຄົນໜຶ່ງຊື່ນາງ ປຸນນະທາສີ ເປັນຄົນທຸກຍາກຕ້ອງໄປເປັນທາສີຮັບໃຊ້ຂອງເສດຖີຄົນໜຶ່ງໃນກຸງຣາຊຄຶ ວັນໜຶ່ງເສດຖີໃຫ້ນາງໄປຕີເຂົ້າ,ນາງຕີເຂົ້າຕະຫຼອດວັນກໍບໍ່ໝົດ, ຮອດຕອນຄໍ່າກໍດັງໄຟຕີເຂົ້າຕໍ່ໄປ ໄດ້ຮັບຄວາມເມືອຍລ້າເປັນອັນຫຼາຍ ພໍຮອດຕອນເຊົ້າມານາງກໍເອົາຮໍາເຮັດເປັນເຂົ້າຈີ່ ເຜົາໄຟສຸກແລ້ວໃສ່ໄວ້ໃນຫໍ່ຜ້າຂອງຕົນ ແລ້ວຍ່າງໄປຕັກນໍ້າມາບໍລິໂພກ, ພໍຮອດກາງທາງໄດ້ພົບພຣະສາສດາເກີດຄວາມເຫຼື່ອທໃສ, ຄິດວ່າເຮົາເປັນຄົນຍາກຈົນໃນຊາດນີ້ ກໍເພາະວ່າເຮົາບໍ່ໄດ້ເຮັດບຸນແຕ່ປາງກ່ອນ ແລະ ຊາດນີ້ເຮົາກໍບໍ່ເຄີຍເຮັດບຸນເລີຍຈັກເທື່ອ. ເມື່ອຄິດແນວນັ້ນແລ້ວນາງນ້ອມເອົາເຂົ້າແປ້ງຈີ່ຍັ້ນເຂົ້າໄປຖວາຍແດ່ພຣະສາສດາ, ພຣະອົງຊົງຮັບແລ້ວ ແລະນາງຍັງຄິດອີກວ່າພຣະສາສດາຄົງບໍ່ສະເວີຍ ພັດຕາອາຫານທີ່ເສົ້າໝອງ ເມື່ອພຣະສາສດາຊົງຊາບວ່າຈິດຂອງນາງຄິດເຊັ່ນນັ້ນ ພຣະອົງຈຶ່ງປະທັບສະເວີຍຕໍ່ໜ້າຂອງນາງ ເມື່ອສະເວີຍແລະພຣະອົງກໍຕັດອະນຸໂມທະນາກະຖາໂປດນາງຈົນສໍາເລັດໂສດາປັດຕິຜົນ, ເປັນອະລິຍະບຸກຄົນໃນພຣະພຸດທະສາສນາ, ກາລັງ ກັດຕະວາ. ເມື່ອນາງທໍາກິລິຍາສໍາເລັດແລ້ວກໍໄປເກີດດາວະດິງສະຫວັນ, ສະເວີຍທິບສົມບັດ ຢູ່ໃນວິມານທອງອັນຜຸດຜ່ອງໂສພາ ມີນາງຟ້າເປັນຍົດບໍລິວານ.
ດັ່ງນັ້ນ ຊາວບ້ານເມື່ອເກັບກ່ຽວເຂົ້າແລ້ວຈຶ່ງພາກັນເຮັດບຸນເຂົ້າຈີ່ ເພາະຖືວ່າການຖວາຍເຂົ້າຈີ່ມີອານິສົງຫຼາຍນັ້ນເອງ.
ພິທີກໍາ
- ພໍຮອດວັນເຮັດບຸນເຂົ້າຈີ່ ວັນເພັງເດືອສາມທຸກຄົວເຮືອນໃນໝູ່ບ້ານຈັດກຽມເຂົ້າຈີ່ ແລ້ວນິມົນພຣະສົງມາຮ່ວມກັນທີ່ສາລາໂຮງທັມ
ไม่มีความคิดเห็น:
แสดงความคิดเห็น